at Tinuccio Piu
Caladu est su silenziu in s’adde amena,
in chelu ch’est bolau su rusignolu;
no isparghet pius sa dulche melodia,
pro tottus fuit isvagu et fuit consolu.
In totta s’adde regnait s’armonia,
su tribagliu fuit isfagu et no pena.
Ma unu male at segau sa cadena;
totta s’adde perdidu at s’allegria.
Tott’ in d’unu ses fatta funesta;
mancas tue at s’amada Maria;
sos amighos no faghent pius festa,
e de attie nde hant nostalgia.
Ma… pius celeste agattas su chelu,
ca tue bene ti lu has meritadu;
Santu Pedru at tie had’atzettadu,
ca in custu mundu l’has bene servidu,
finzas sa die chi ses partidu;
cunt babbu tou e su cummitadu,
devotamente l’hazis meda onoradu.
In cuss’adde celeste e gloriosa,
pregas pro nois et sa tua isposa;
inie agatas s’eternu reposu,
ca bi ses giuntu, ancora giovan’ isposu;
lassande in pena s’amada Maria,
et fitza tua appena cumprida.
In s’adde celeste piena de lughe
agattas s’omine mort’in sa rughe,
resuscitadu et torradu at sa lughe.
Pregas cunt ipsu et sa mama Maria;
Has’at rispondere… et così sia.
In s’Adde celeste, totta un’ incantu,
piena de amore et de allegria,
has’ agattare un’atera Maria,
et has’ at intonare su devotu cantu.
Pregande pro nois poberos mortales,
pro chi nos salvet da tottus sos males;
tue nos isettas in su portale.
Ca su Supremu mos ad’ at giamere;
e Tottu unidos hamos at Issu pregare.
Adorande babbu et fitzu, et S’Ispiritu Santu;
e… un’atera Maria chi nos asciutat su piantu.
Tziu Umberto
Puttumajore, int su mese de Santu Aine 2016